کابل ټکی کام (شنبه، ۱۰ غبرګولی، ۱۴۰۴ل)
د کانونو او پټرولیم وزارت سرپرست ملا هدایت الله بدري نن د جوزجان ولایت د یتیم تاق سیمې د ګازو د دریو څاګانو د کیندنې تړون د ۸ میلیونه امریکایي ډالرو په ارزښت د ترکي شرکت «سفیر سونداج» سره لاسلیک کړ.
دغه تړون د وزارت په مقر کې د رسمي مراسمو پر مهال لاسلیک شو، چې پکې مالي او اداري مرستیال حسام الدین صابري، د مقام سلاکار مولوي مطیع الله حقاني او د تدارکاتو رئیس مولوي میر محمد نبي محمدي هم حضور درلود.
د معلوماتو له مخې، یاد شرکت به د یو کال په موده کې د دریو څاګانو د کیندنې چارې بشپړې کړي. تمه ده چې د دغو څاګانو له لارې به په ورځنۍ توګه شاوخوا ۱۰۰ زره متر مکعب طبیعي ګاز استخراج شي.
د دغو څاګانو کیندنو سره به د ګازو په برخه کې د خلکو اړتیاوې تر یوې اندازې پوره شي.
