کابل ټکی کام (سه شنبه، ۱۳ غبرګولی، ۱۴۰۴):
د عامې روغتيا وزارت وايي، چې د کابل جنګلک روغتون کې د دغه وزارت د روږدو ناروغانو د درملنې ملي پروګرام لهخوا ۲۰۰ تنه روږدي ناروغان، چې د یوې بشپړې درملنیزې دورې له تېرولو وروسته رغېدلي وو، خپلو کورونو ته واستول شول.
د یادو کسانو د لېږد په موخه جوړې شوې غونډې ته د عامې روغتیا وزارت د روغتیايي خدمتونو مرستیال، مولوي عبدالولي حقاني، وویل چې روږديتوب یوازې فزیکي نه، بلکې رواني ناروغي هم ده، او ټولنه باید له روږدو کسانو سره د رحم، درک او ملاتړ چلند وکړي. نوموړي له رغېدلو کسانو وغوښتل، چې بېرته دې نشو ته مخ نه کړي.
همداراز، د دعوت او ارشاد رئیس مولوي محمد قاسم حقاني، روږديتوب له دیني پلوه حرام وباله او پر رغېدلو یې غږ وکړ چې د سالم ژوند لارې ته دوام ورکړي.
