د افغان او پاکستان د ځوانانو تر منځ د افغان سولې او يو بل سره د مرستې په تړاو ناسته!!

د پاک-افغان ځوانانو ټولنې د لومړي ځل لپاره د “ځوانانو جرګه” کوربه توب وکړ ترڅو د پاکستان او افغانستان تر مینځ د اړيکو په ساتلو کې د ځوانانو پر رول باندې بحث وکړي.
د پاک-افغان ځوانانو د ټولنې لخوا ویبینار ترسره شو چیرته چې د پولې دواړو خواو څخه ځوانان، زده کونکي او ځوان مسلکي کسان سره راټول شوي ول، تر څو د بیلابیلو ستونزو او مسئلو په اړه خبرې وکړي چې ورسره مخ دي. دا ویبینار د پاک-افغان ځوانانو ټولنې د نوښتونو برخې په توګه تنظیم شوی ؤ ترڅو د دواړو هیوادونو د خلکو تر مینځ اړيکې او روابط وده وکړي.
د ځوانانو دغه جرګه دپولې دواړو خوا د ځوانانو ترمینځ د خبرو اترو د پیل لپاره لا له وړاندې په لاره اچول شوې وه ترڅو د دواړو هیوادونو د ځوانانو مهم رول وپیژندل شي ځکه چې په دې وروستيو کې افغانستان د سولې او ثبات په لور روان دی نو بايد د ځوانانو رول ته کماحقه اهميت ورکړل شي.
ددی جرګې ترتیب ګډونوالو ته دا وړتیا ورکړه چې په غیررسمي او عادي چاپیریال کې متقابل عمل وکړي ترڅو ستونزې او ستونزو ته د لاسرسي لارې چارې د هر هیواد نماینده ګانو سره په دوستانه ډول وړاندې کړي. د غونډې لپاره کلیدي ویناوال ښاغلي شهریار خان افریدي، د کشمیر په اړه د پارلماني کمیټې اوسني رییس او د سفران وزارت پخوانی وزیر ؤ.
ښاغلي شهریار افریدي خپله وینا په پښتو او انګلیسي ژبه وکړه او افغانانو ته چې په ياده غونډه کې يې ګډون درلود؛ یې زمونږ د ګډ تاریخ ، ژبې ، کلتور او دودونو یادونه وکړه. هغه د زړه له کومې په دې اړه خبرې وکړې چې څنګه افغان مهاجرینو ته په تاریخي ډول په پاکستانۍ ټولنه کې هرکلی وشو. پاکستان تل دوی ته د میلمنو په توګه ګوري او دویپه پاکستان کې په شه او ازادانه ډول ګرځي او داسې ګڼي چې خپل وطن يې دی.
سربیره پر دې ، د هغه په ټوله وينا کې د هغه پیغام دا وو چې پرته له یو سوله ایز افغانستان څخه د دې سیمې راتلونکی ډیر تیاره دی. یوازې نوی نسل کولی شي په ګډه د هغو سیاسي قدرتونو سره مبارزه وکړي کوم چې هدف یې دواړو هیوادونو ته ګډوډي راوستل دي.
ویناوالو د هغه احساساتو ته په اشارې سره وویل چې څنګه د کلونو کلونو په اوږدو کې د ځوانانو رول پراختیا موندلې او اوس هغه وخت دی چې سیمې ته د سولې او ثبات راوستلو لپاره د دواړو هیوادونو د خلکو ترمینځ دروغجنې اړیکې باید پر رښتينو اړيکو واوړي او ترمیم شي.
د افغانستان د مدني ټولنې استازي احمد ضیا مهمند وویل : “که څه هم جنګ زمونږ هیواد ته په میراث پاتې دی، مونږ اوس فرصت لرو چې دغه بدبختي په يوه غوره فرصت بدله کړو. نوی نسل کولی شي د پاکستاني ټولنې او د پاکستان د خلکو په مرسته د دغو بدبختيو د سمولو لپاره توپیر رامنځته کړي. ”
په ورته ډول ، د مدني ټولنې او بشري حقونو شبکې اجرائيوي رئيس ښاغلي سید حسین انوش په افغانستان کې د اقتصادي لاسته راوړنو په اړه خبرې وکړې چې دواړه هیوادونه یې يوه له بل سره د سوله ییزې همکارۍ له لارې ترلاسه کولی شي. هغه احساس وکړ چې ځوانان باید د پاکستان-افغانستان اړیکې له دوه اړخیز تړون څخه هاخوا وګوري ځکه چې افغانستان د مرکزي آسیا، مینځني ختیځ، ایران او چین لپاره لاره ده.
سربیره پردې، ځوانه اتله او د هزاره ټولنې استازې، میرمن فرزانه حکیمي په دې اړه خورا په زړه پورې خبرې وکړې چې څنګه د پاکستان-افغانستان اړیکې تل په سخت سیاست کې ښکیل کیږي، د ترهګرۍ او تاوتریخوالي سره مخ کیږي. د هغې په اند ځوانان او د هغو مسئلې اکثره له پامه غورځول کیږي. هغې احساس وکړ چې که څه هم په تعلیمي څانګو باندې یو څه ټینګار شتون لري، خو د سپورت مسئلې نه روښانه کیږي.
هغې د ځوانې ورزشکارې په توګه د پاک-افغان ځوانانو له ټولنې څخه وغوښتل چې د دواړو لورو څخه د ځوانانو وړتیا زیاته کړي. ویبینار د جرګې په بیلا بیلو غونډو کې د فکر او افکارو او حلونو د روښانه کولو په هدف سره پای ته ورسیده چې دا به د دوو هیوادونو ترمینځ اړیکو ښه کولو کې ګټور وي.