کابل ټکی کام (یکشنبه، ۲۵ غبرګولی، ۱۴۰۴)
د سیمهییزو او نړیوالو رسنیو د راپورونو له مخې، ایران د بالستیک هایپرسونیک توغندیو په وسیله د اسرائیلو پر حیفا بندر یو دروند برید کړی، چې په پایله کې یې د نایتریت امونیم ټولې زېرمې په بشپړه توګه ویجاړې شوي دي.
اسرائیلو یاد زېرمې د صنعتي چاودېدونکو موادو د تولید او ځینو کرنیزو فعالیتونو لپاره ذخیره کړې وې. راپورونه زیاتوي چې دغه توغندي د فوقالصوت ډول وو او د اسرائیلو هوايي دفاعي سیستمونه یې شنډولو کې پاتې راغلي دي.
عیني شاهدان وایي چې د بندر په ساحه کې درنې چاودنې او اورلګیدنې رامنځته شوې دي.
د اسرائیلي چارواکو له لوري تر اوسه د زیانونو کره شمېر نه دی خپور شوی، خو امنیتي سرچینې وایي چې برید خورا دقیق او ویجاړوونکی و.
