له حیفا وروسته تل ابیب هم د ایراني توغندیو هدف وګرځېد

کابل ټکی کام (جمعه، ۳۰ غبرګولی، ۱۴۰۴ل)

د ایراني ځواکونو له لوري د اشغالګرو صهیونیستانو پر ضد د پیل شویو بریدونو لړۍ دوام لري. تازه راپورونه وایي، چې د حیفا له نښه کولو وروسته، د تل ابیب ښار هم د ایراني بالستیک توغندیو تر بریدونو لاندې راغلی دی.

عیني شاهدان وایي، چې د ښار په بېلابېلو برخو کې د درندو چاودنو غږونه اورېدل شوي دي.

د ایران سپاه پاسداران ویلي چې دا بریدونه یې په ایران د صهیونیستي ترهکر ريژیم د بریدونو، د فلسطینیانو د عام وژنې، او د مسجد الاقصی د سپکاوي په غبرګون کې ترسره کېږي.

صهیونیستي سرچینې د بریدونو تلفات او زیانونه پټ ساتي؛ خو اسرائیلي رسنۍ وایي، چې تل ابیب کې بېړنی حالت اعلان شوی او خلک پټنځایونو ته په تېښته دي.