(کابل ټکی کام، يکشنبه، ۲۲ چنګاښ ۱۴۰۴):
د غزې د روغتيا وزارت په تازه راپور کې ویلي، چې د اسرائيلي یرغل له پیل راهیسې د فلسطيني شهیدانو شمېر ۵۸ زره او ۲۶ تنو ته او د ټپیانو شمېر ۱۳۸ زره او ۵۲۰ تنو ته ورسېد.
د وزارت په وینا، یوازې په تېرو ۲۴ ساعتونو کې ۱۳۹ کسان شهیدان او ۴۲۵ تنه نور ټپیان شوي، چې په دې کې د مرستو پر مهال وژل شوي ۲۸ کسان هم شامل دي.
د روان کال د مارچ له ۱۸مې نېټې تر نن ورځې پورې د شهیدانو شمېر ۷۴۵۰ او د ټپیانو شمېر ۲۶۴۷۹ تنو ته رسېدلی دی، په داسې حال کې چې د مرستو پر مهال د وژل شویو شمېر ۸۳۳ تنو او ټپیانو شمېر له ۵۴۳۲ څخه اوښتی دی.
