کابل ټکی کام (پنجشبه، ۱۶ زمری، ۱۴۰۴ل)
د هرات ولایت په صنعتي ښارګوټي کې د خصوصي پانګونې په ترڅ کې د اوسپنې ویلې کولو یوې نوې فابریکې په فعاليت پيل وکړ.
د فابریکې د مسؤلینو په وینا، دا فابريکه د ۷ میلیونه امریکايي ډالرو په لګښت جوړه شوې ده.
د فابریکې رئیس وایي، چې دا تولیدي فابريکه د ورځې ۱۵۰ ټنه سیخ او بېلابېل ډولونه اوسپنه تولیدولی شي، او ډېر ژر به یې د تولید دوهمه کرښه هم فعاله شي.
د فابریکې مسؤلین زیاتوي، چې د دې پانګونې اصلي هدف د کارموندنې زمینه برابرول دي، څو هېواد ته تازه راستانه شوي افغانان په کې کاري فرصتونه ومومي.
