کابل ټکی کام (یکشنبه، ۱۹ زمری، ۱۴۰۴ل)
د اسراییلي رسنیو د راپورونو له مخې، د غزې په شمال کې د جګړو پر مهال د دغه رژیم پنځه پوځیان وژل شوي او نهه تنه نور ټپیان شوي دي.
راپورونه زیاتوي، چې مرګ ژوبله د فلسطیني مقاومت ځواکونو له لوري د اسراییلي پوځ پر اهدافو د ځپونکو بریدونو په پایله کې رامنځته شوې ده.
د غزې شمال اوس مهال د دواړو لورو تر منځ د شدیدو نښتو او بریدونو مرکز ګرځېدلی دی.
د سرچینو په وینا په دې وروستیو کې د اسراییلي پوځ تلفاتو کې د پام وړ زیاتوالی راغلی او د مقاومت ځواکونه وايي، چې د اشغال تر پای ته رسېدو به خپلو بریدونو ته دوام ورکوي.
