حماس: د منځګړو طرحه مو منلې او د صهیونیستي ريژیم ځواب ته په تمه یو

کابل ټکی کام (چهارشنبه، ۲۹ زمری، ۱۴۰۴ل)

د حماس اسلامي غورځنګ د سیاسي دفتر لوړ پوړي مشر باسم نعیم ویلي، چې د منځګړو لخوا وړاندې شوې نوې طرحه یې منلې او اوس د صهیونیستي رژیم د ځواب په تمه دي.

نعیم زیاته کړې، د نتانیاهو کړنې ښيي چې هغه د جګړې د دوام او د ټول وژنې نیت لري.

په همدې حال کې د ملګرو ملتونو د انروا ادارې په یوه راپور کې ویلي، چې د جګړې او قحطۍ له امله په غزه کې هره ورځ شاوخوا ۲۸ ماشومان ژوند له لاسه ورکوي.

د امریکایي ولسمشر ډونلډ ټرمپ استازي استیو ویتکاف بیا ټینګار کړی، چې جګړه باید ژر تر ژره پای ته ورسېږي، پاتې بنديان خوشې او غزه بېرته ورغول شي.