کابل ټکی کام (سه شنبه، ۴ وږی،۱۴۰۴ل)
د صهیوني ورځپاڼې «ټایمز آف اسرائیل» په راپور کې راغلي چې يمني ځواکونو پر اسرائیلو لږ تر لږه د ۷۱ بالسټیک توغنديو او ۲۳ بې پیلوټه الوتکو پر مټ پراخ بريدونه کړي.
ورځپاڼې ویلي چې دغه بریدونه له هغه وخت پیل شوې کله چې غزه کې د مارچ میاشتې په نیمایي کې جګړه بیا پیل شوه.
سرچینې زیاتوي چې دا بریدونه د یمن د انصارالله له لوري د فلسطین د ولس د ملاتړ په موخه ترسره شوي دي.
انصارالله ډلې په خپلو تېرو بیانیو کې ویلي چې تر هغې به د اسرائیلو پر ضد بریدونه روان وساتي څو چې د غزې محاصره پای ته ونه رسېږي او بریدونه پر فلسطین نه درول کېږي.
که څه هم صهیوني چارواکو د ټولو بریدونو جزئیات نه دي خپاره کړي، خو د ځینو راپورونو له مخې، یاد بریدونه د اسرائیلو د هوايي دفاعي سیستمونو پر مصروف ساتلو سربېره، په لویدیځ بیت المقدس او ایلات کې د پراخو اقتصادي زیانونو لامل شوي دي.
