د افغانستان لپاره د ملګرو ملتونو ځانګړی استازی وایي، چې د ملي وحدت حکومت ته پنځه لوی خنډونه مخامخ دي

کابل ټکی کام ۲۷کب/۱۳۹۴، احمدالله مهاجر
د ملګرو ملتونو نړیوال سازمان وایي، چې د افغانستان حکومت ته په روان ۲۰۱۶م کال کې پنځه لوی خنډونه مخامخ دي، لکه په اقتصاد کې کموالی، د بېکارۍ لوړوالی، د ګډوډۍ زیاتوالی، مالي مشکلات او د سیاسي فضا نازکوالی.
دغه سازمان ملي وحدت ته خبردارۍ ور کړ، که یاد مشکلات رفع نشي، ممکنه ده، چې یو لوی ناورین را منځته شي.
د افغانستان لپاره د ملګرو ملتونو ځانګړی استازی نیکولاس هیسم وایي، د ملي وحدت د حکومت د بقا لپاره په ۲۰۱۶ کال کې یوه لاسته راوړنه بولي.
دغه سازمان دغه څرګندونې په داسې حال کې کوي، چې تېره ورځ د ناټو منشي سټولتنبرګ روان کال د افغانستان لپاره خونړی بللی وو.
خو د افغانستان دفاع وزارت وايي، چې امنیتي ځواکونه یې دا مهال دومره وړتیا لري، چې راتلونکي پسرلنیو عملیاتو کې له طالبانو سره وجنګیږي، بهرنیو ځواکونو ته ضرورت نه لري، خو په نظامي برخه کې د هغوی مرستو ته سترګې په لاره دي.