کابل ټکی کام (سه شنبه، ۱۸ وږی، ۱۴۰۴ل)
د صهیونیستي ريژیم پوځي سرچینو خبر ورکړی، چې د غزې په شمال کې یې د سړک غاړې ماین چاودنه او ډزو کې ۶ تنه سرتېري وژل شوي او ګڼ نور ټپیان دي.
سرچینې زیاتوي، چې په دې برید کې لږ تر لږه شپږ تنه اسرائیلي سرتېري وژل شوي دي.
پېښه هغه مهال رامنځته شوه چې د مقاومت ځواکونو د دښمن ټانګ په لاره کې چاودېدونکې وسیله ځای پر ځای کړې وه.
د برید وروسته د اسرائیلي ځواکونو په سیمه کې درانه هوایي او توپچي بریدونه کړي؛ خو د مرګژوبلې په اړه یې کره معلومات نه دي خپاره شوي.
یاده دې وي چې په دې وروستیو کې د مقاومت ځواکونو د صهیونیستي پوځ د کاروانونو پر ضد پراخ بریدونه پیل کړي، چې له امله یې د دوښمن په لیکو کې ګډوډي رامنځته شوې ده او نږدې هره ورځ درانه تلفات ورته اوړي.
