په خوست کې د ۲۰۰ زره ډالرو په لګښت د کرومایټ پروسس فابریکه پرانیستل شوه
کابل ټکی کام (دوشنبه، ۳۱ وږی، ۱۴۰۴ل)
د خوست ولایت په تڼیو ولسوالۍ کې د ۲۰۰ زره ډالرو په لګښت د «شرق نفراییټ او یلومون ګروپ» له لوري د کرومایټ ډبرو د پروسس فابریکه پرانیستل شوه.
د مسوولينو په وینا، دغه فابریکه هره میاشت د ۱۵۰۰ ټنو کرومایټ د پروسس وړتیا لري او په مستقیم او غیر مستقیم ډول به ګڼ شمېر کسانو ته د کار زمینه برابر کړي.
د خوست د کانونو او پترولیم رییس صادق جان حمزه ویلي، له دې اقدام سره به نور پانګهوال هم وهڅول شي چې په هېواد کې د بېلابېلو برخو په پرمختیايي پروژو کې پانګونه وکړي.
