کابل ټکی کام (پنجشنبه، ۳ تله، ۱۴۰۴ل)
د اسرائيلي رسنيو د راپور له مخې، د ناحال لوا د ۹۳۲مې قطعې يو سرتېری د غزې ښار د الشيخ رضوان سيمې څنډې ته د څارنې پر يوه پوسته کې ناست و، چې د حماس يو ليرې واټن نښه ويشتونکي په نښه کړ. دقيقه مرمۍ پر هغه لګېدلې او سرتېری ځای پر ځای وژل شوی دی.
د اسرائيلي پوځ د راديو په وينا، دا پېښه پرون ماښام شاوخوا پنځو بجو پر مهال رامنځ ته شوې ده. وژل شوی سرتېری تشالاتشو شمعون دمالاش نوميږي.
تر پېښې وروسته د اسرائيلي ځواکونو له لوري سيمه کلابنده او د نښه ويشتونکي د لټون لپاره عمليات پيل شوي، خو تر اوسه د بريدګر د نيولو يا وژلو په اړه څه نه دي ويل شوي.
