کابل ټکی کام (پنجشنبه، ۱۷ تله، ۱۴۰۴ل)
د بدخشان ولايت د امنيې قوماندانۍ وياند احسانالله کامگار ويلي، چې د ارغنجخوا ولسوالۍ په يو کان کې د سرو زرو د استخراج تونل د رالوېدو له امله دوه تنه مړه شوي دي.
نوموړي زياته کړې، پېښه د چهارشنبې په ورځ د سهار شاوخوا يوولسو بجو د «ګلدره شيـوه» په سيمه کې رامنځته شوې ده.
د راپورونو له مخې، مړه شوي کسان دوه ورونه دي چې «نورمحمد» او «محمدرحمان» نومېږي او د شهدا ولسوالۍ د پيتاو کلي اوسېدونکي وو، چې د کار پر مهال د تونل د رالوېدو له امله يې ژوند له لاسه ورکړ.
