کابل ټکی کام (شنبه، ۱۹ تله، ۱۴۰۴ل)
د افغانستان د صنعت او سوداګرۍ وزارت ویاند آخندزاده عبدالسلام جواد ویلي، په روان کال کې د وچو مېوو صادرات د تېر کال په پرتله زیات شوي او په لومړیو اته میاشتو کې یې ارزښت له ۲۲۲ میلیونو ډالرو څخه زیات شوي دي.
دغه صادرات هند، پاکستان، امارات، روسیه، چین، بریتانیا، آلمان، کاناډا، ایټالیا او نورو هېوادونو ته شوي دي، په داسې حال کې چې تېر کال همداسې وخت کې صادرات شاوخوا ۱۷۹ میلیونه ډالر وو.
ډیپلوماټ ورځپاڼې راپور ورکړی چې پر اسلامي امارت د اروپايي ټولنې له بندیزونو سره سره، د افغانستان د سوداګرۍ کچه په ۲۰۲۵ کال کې لوړ شوي دي.
د وزارت معلوماتو له مخې، د افغانستان د اروپایي هېوادونو سره د سوداګرۍ راکړه ورکړه هم زیاته شوې؛ په لومړیو اته میاشتو کې اروپا ته صادرات ۱۷ میلیونه ډالر او واردات ۱۴۳ میلیونه ډالره ته رسېدلي دي.
