غزه کې مقاومت ځواکونو د یاغي ملیشې پر ضد پراخ عملیات پیل کړي
کابل ټکی کام (دوشنبه، ۲۱ تله، ۱۴۰۴ل)
غزې څخه سرچینې وایي، چې مقاومت ځواکونو د هغو یاغي ملیشو پر ضد پراخ او ځپونکي عملیات پیل کړي، چې د سیمهیز نظم د ګډوډولو هڅه یې کوله.
راپورونه څرګندوي، چې د “ابو شباب” په مشرۍ یاغي ډله له څو ساعتونو محاصرې وروسته د مقاومت ځواکونو تر کلک فشار لاندې راغلې ده.
امنیتي سرچینې زیاتوي، دا عملیات د مقاومت د ځانګړو واحدونو له لوري د دقیقو استخباراتي معلوماتو پر بنسټ پیل شوي او هدف یې د داخلي ګډوډۍ مخنیوی او د غزې د امنیت ټینګښت دی.
تر اوسه د نښتو د تلفاتو کره شمېر نهدی څرګند؛ خو عیني شاهدان وایي، د یاغي ډلې څو مرکزونه ویجاړ شوي او ګڼ غړي یې نیول شوي دي.
