د ګاونډي سره وروستیو څو ورځنیو جګړو څو حقیقتونه په ډاګه کړل
جاوید مومند
په وروستیو څو ورځو کې د ګاونډي هېواد لهخوا رامنځته شوې نښتې یو ځل بیا د افغان ولس د مېړانې، ملي یووالي او ثابت قدم دریځ څرګندونه وکړه. دا پېښې څو بنسټیز حقایق نړۍ ته روښانه کړل:
د کاذب غرور زوال:
د ګاونډي هېواد هغه کاذب غرور او بېځایه ویره، چې د کلونو راهیسې یې د افغانانو پر وړاندې درلوده، په بشپړ ډول له منځه ولاړه.
ملي یووالی او واحد غږ:
نړۍ ته دا څرګنده شوه چې افغان ولس د ملي مسایلو، خپلواکۍ او خاورې د دفاع په برخه کې یو واحد غږ لري او هېڅ فشار یا تفرقه نهشي کولی دا یووالی کمزوری کړي.
د اټومي زور بېاغېزتیا:
مقابل لوري ته دا ثابته شوه چې که هر څوک د اټومي وسلو څښتن هم وي، د افغان ولس د ایمان، اسلامیت او افغانیت پر وړاندې بېوسه دی. افغان ولس د تاریخ په اوږدو کې د هر یرغل پر وړاندې مېړانه کړې او دا سلسله به تر وروستي افغان پورې روانه وي.
د نیابتي سیاست ناکامي:
د نیابتي ډلو په روزنه او تمویل سره هېڅ هېواد خپلې موخې نهشي ترلاسه کولای، ځکه دا ډول تګلارې په پایله کې د هماغه هېواد د ناکامۍ او سوځېدو سبب ګرځي.
د فرضي کرښې نهمنل:
افغان ولس هېڅکله د پردیو لهخوا ټاکل شوې فرضي کرښې په رسمیت نهپېژني، ځکه دا د افغانانو د ملي هویت، تاریخي حق او ازادۍ برخه ده.
افغان ولس یو ځل بیا نړۍ ته وښودله چې دا خاوره د مېړنو، باعزته او خپلواک انسانانو ده، او د خپل حاکمیت، خپلمنځي یووالي او اسلامي ارزښتونو د ساتنې لپاره به تر هرې قربانۍ پورې ولاړ وي.
د افغان ولس واحد غږ دا دی:
تر هغه چې یو افغان ژوندی وي، دا خاوره به ازاده، خپلواکه او د ایمان تر بیرغ لاندې پاتې وي.
او په . پایله کې باید و وایم چې:
اوس جګړه د تکنالوژۍ او وسایلو جګړه ده. له همدې امله باید دوه برخو ته جدي پاملرنه وشي:
۱. د رادار او دفاعي سیستم پیاوړتیا.
۲. د هوایي ځواک د روزنې او تجهیز لپاره عملي ګامونه.
