کابل ټکی کام (چهارشنبه، ۳۰ تله، ۱۴۰۴ل)
عبرې رسنیو راپور ورکړی، چې هغه ملیشه ډلې، چې د تلابیب له خوا د حماس پر ضد د مرستندوی ځواک په توګه جوړې شوې وې، اوس په بشپړه توګه له منځه وړل شوې دي.
راپور زیاتوي، چې دا ډلې چې د صهیونیستي رژیم د استخباراتي ادارو تر ملاتړ لاندې یې فعالیت کاوه، هڅه یې کوله د غزې په ځینو سیمو کې د حماس پر ضد بغاوت رامنځته کړي؛خو د حماس د قوي امنیتي او پوځي جوړښت له امله یې ټولې هڅې شنډې شوې.
سرچینې وايي، د دغو ملیشو ډېری مشران یا وژل شوي، یا نیول شوي او یا له سیمې تښتېدلي دي.
د راپور له مخې، دا ډلې اوس “منحل شوې” بلل کېږي او د هغوی فعالیت په بشپړه توګه درول شوی دی.
د راپور په وینا، حماس اوس د غزې په ټولو برخو سیاسي، امنیتي او پوځي کنټرول ټینګ کړی، او هېڅ بدیله ډله یا ځواک نه شته چې واک ته یې ګواښ پېښ کړي.
