کابل ټکی کام (پنجشنبه، ۳۱ تله، ۱۴۰۴ل)
د حماس د سياسي دفتر يو مشر اسماعیل رضوان الجزيرې ته ويلي، چې د حماس غورځنګ د اوربند د هوکړې د بريا لپاره جدي هڅې کوي، خو د اسرائیلي ښکېلاک رژيم هڅه کوي له خپلو ژمنو وتښتي.
رضوان زياته کړې، چې اسرائیل تر اوسه غزې ته یوازې د سمندر په څېر بحران کې د یوې «څاڅکي» په اندازه بشري مرستې پرېږدي او د هوکړې د انساني برخې بشپړ پلي کولو ته ژمن نه دی.
د هغه په وينا، د اسرائیلي پوځ د ځنډ او سرغړونو له امله د زرګونو خلکو ژوند له ګواښ سره مخ دی.
نوموړي څرګنده کړه، چې لا هم له ۱۰ زرو زيات کسان د بمباريو تر ملبې لاندې ورک دي او د ژغورنې ډلې د درنو وسايلو جدي اړتیا لري.
ده وویل، «اشغالګرو خپل اسیران په بمباریو کې وژلي، اوس بیا زموږ پر نههمکارۍ تور لګوي، خو خپله د ژغورنې وسايل نه راکوي.»
