امربالمعروف وزارت: په یوې اونۍ کې د ښځو د حقونو ۶۱ قضیو ته رسېدنه شوې
کابل ټکی کام (پنجشنبه، ۱۵ لړم، ۱۴۰۴ل)
د امر بالمعروف، نهی عنالمنکر او شکایتونو اورېدلو وزارت ویلي، چې محتسبینو په روانه اونۍ کې د ښځو د حقونو اړوند ۶۱ قضیو ته رسېدنه کړې او اړوند اقدامات يې ترسره کړي دي.
یاد وزارت زیاتوي، محتسبینو په همدې موده کې ۱۳۹ رواني ناروغان راټول کړي او د درملنې لپاره یې روغتیایي مرکزونو ته ورپېژندلي دي.
همدارنګه، په دې موده کې ۹ کوډګر نیول شوي، ۲۶ د دښمنۍ قضیې حل شوي او له سوداګرو او کسبګرو سره ۷۸ د عامه پوهاوي ناستې ترسره شوې دي، ترڅو د ټولنې د سوکالۍ او نظم ساتنه وشي.
