شیخ نعیم قاسم: صهیونیستي رژیم اوربند مات کړی، د پایلو مسؤلیت به یې پر غاړه وي

کابل ټکی کام (یکشنبه، ۱۸ لړم، ۱۴۰۴ل)
د لبنان د حزب‌الله اسلامي مقاومتي غورځنګ عمومي منشي “شیخ نعیم قاسم”ویلي، چې صهیونیستي رژیم د لبنان او غزې د اوربند تړون نقض کړی او د دې سرغړونې ټول مسؤلیت به د همدې رژیم پر غاړه وي.

شیخ نعیم قاسم زیاته کړې، چې مقاومت محور د غزې او لبنان د خلکو تر څنګ ولاړ دی او که د صهیونیستي رژیم تېري دوام وکړي، مقاومت به لازم غبرګون وښيي.

هغه ویلي، د اسرائیلو لخوا د اوربند نقض ښيي چې دا رژیم د سولې هیڅ ژمنې ته ژمن نه دی او هڅه کوي د جګړې اور یو ځل بیا بل کړي.