حماس د امنیت شورا پرېکړه لیک او غزې ته د نړيوالو ځواکونو د استولو امريکايي طرحه رد کړه
کابل ټکی کام (سه شنبه، ۲۷لړم، ۱۴۰۴ل)
د حماس اسلامي غورځنګ د ملګرو ملتونو د امنیت شورا هغه وروستی پرېکړه لیک رد کړی، چې د غزې په تړانګه کې د نړيوالو ځواکونو د ځای پر ځای کولو اجازه ورکوي.
حماس وایي، دا طرحه د فلسطينيانو حقونه نه تضمينوي او هڅه کوي چې په غزه د نړيوال قیمومیت وتپل شي او د نړيوالو واکمني قانوني کړي.
د الجزيرې د راپور له مخې، د حماس مشر اسامه حمدان دغه پرېکړه “د فلسطيني ولس د دریځ تایید” وباله او ويې ویل چې د امريکا طرحه د اشغالګر رژيم د پلانونو ملاتړ کوي.
نوموړي زیاته کړه، چې دا پرېکړه د نړیوال قانون خلاف ده، اشغال پای ته نهرسوي او نه هم د فلسطيني ولس د ژغورنې لپاره کومه واقعي ضامن قوه رامنځته کوي.
حمدان ټينګار وکړ چې په شرمالشيخ مذاکراتو کې د مقاومت د بې وسلې کولو موضوع هېڅکله نه وه مطرح شوې، او د فلسطيني ولس اراده د نړیوالو پرېکړو په ماتولو نه محدودېږي.
د ده په وینا، عربي ـ اسلامي طرحه چې مصر وړاندې کړې، د غزې د مدیریت لپاره تر ټولو مناسب بدیل دی او د امريکا پرېکړه د دې وړ نه ده چې د مقاومت لاره بنده کړي.
