ولسمشر اردوغان: په فلسطین کې د بریا د لاریونونو وخت رانږدې شوی
کابل ټکی کام (پنجشنبه، ۲۰ لیندۍ، ۱۴۰۴ل)
د ترکیې ولسمشر رجب طیب اردوغان ویلي، چې ډېر ژر به په فلسطین کې هم د بریا لاریونونه وشي، لکه څنګه چې دا کار په سوریه کې و شو.
اردوغان دا څرګندونې د فلسطین د اوسني وضعیت په تړاو کړي او زیاته کړې یې ده، چې تمه شوې شیبه رانږدې شوې او مسلمانان به د بریا جشنونه ولمانځي.
نوموړي ټینګار کړی، چې ترکیه د فلسطیني مقاومت د مبارزې تر شا ولاړه ده او د فلسطیني ملت قربانۍ به بېنتیجې پاتې نه شي.
