کابل ټکی کام (پنجشنبه، ۲۰ لیندۍ، ۱۴۰۴ل)
د معیار او کیفیت ملي ادارې چارواکي وايي، چې د شیخ ابو نصر فراهي بندر له لارې ۷۴ ټنه بېکیفیته ګاډر وروسته له دقیقې ارزونې بېرته صادرونکي هېواد ته وليږل شول.
يادې ادارې ويلي، چې د ودانیزو توکو د کیفیت د تثبیت او کنټرول پروسه په ټولو بندرونو کې په جدي ډول روانه ده او د بېکیفیته موادو د ننوتلو مخنیوی یې مهم لومړیتوب دی.
د معیار او کیفیت ادارې ویاند قاري محمد یوسف غاوير له سوداګرو وغوښتل چې د هېواد د پرمختګ او د خلکو د خوندیتوب لپاره دې یوازې باکیفیته توکي وارد کړي.
