کابل ټکی کام (یکشنبه، ۲۳لیندۍ، ۱۴۰۴ل)
ملګرو ملتونو د پاکستان د پخواني لومړي وزیر “عمران خان” بندي ساتل او د بند شرایط غیر انساني بللي او د عاجل اقدام غوښتنه یې کړې ده.
د شکنجې په اړه د ملګرو ملتونو ځانګړې راپور ورکوونکې “الیس جیل” ویلي، چې د عمران خان د بند حالت په اړه ترلاسه شوي معلومات د اندېښنې وړ دي او پاکستاني چارواکي باید ژر تر ژره د دغو راپورونو په اړه اقدام وکړي.
نوموړې خبرداری ورکړی، چې پر عمران خان بندیزونه او چلند ښايي د ظالمانه، غیرانساني او سپکاوي ډک چلند له تعریف سره سمون ولري.
د ملګرو ملتونو د راپور له مخې، عمران خان ته اجازه نهورکول کېږي، چې له زندانه بهر وګرځي، له نورو بندیانو سره وګوري، په جماعت لمونځ وکړي، یا هم له خپلو وکیلانو او د کورنۍ له غړو سره منظمه لیدنه ولري، چې دا وضعیت د نړیوالو بشري معیارونو خلاف ګڼل کېږي.
