د یمني ځواکونو عملیاتو کې حکومت ضد وسله والو ته مرګ ژوبله اوښتې
کابل ټکی کام (شنبه، ۶ مرغومي، ۱۴۰۴ل)
یمني رسنیو راپور ورکړی، چې حکومتي ځواکونو د هېواد په بېلابېلو سیمو کې عملیات کړي، چې پر مهال یې حکومت ضد وسلهوالو ته مرګژوبله اوښتې ده.
راپورونه زیاتوي، چې عملیات د یمن په مارب، شبوه او البیضاء ولایتونو کې ترسره شوي، چې پکې درنې نښتې شوې او ګڼو وسله والو ته تلفات اوښتي دي.
د انصارالله اسلامي غورځنګ د رسنیو د دفتر مشر “نصرالدین عامر” کابل ټکی کام ته ویلي، چې عملیاتو کې یې ګڼ شمېر سپکې-درنې وسلې، مهمات او نظامي تجهیزات هم نیولي دي.
بل لور ته حکومت ضد وسلهوال د ځینو سیمو د نیولو هڅې کوي؛ خو د یمني ځواکونو له سخت مقاومت سره مخ دي.
