کابل ټکی کام (يکشنبه، ۷ مرغومي، ۱۴۰۴ل)
د مهاجرینو ستونزو ته د رسېدنې عالي کمېسیون دارالانشاء د ورځني راپور له مخې، د شنبې په ورځ د هېواد له بېلابېلو لارو ۶۶۸ کډوالې کورنۍ، چې ۲۵۵۳ تنه غړي لري، په اجباري ډول هېواد ته راستنې او ثبت شوې دي.
راستنې شوې کورنۍ د تورخم، سپین بولدک، بهرامچې او د نیمروز د ورېښمو له لارې ننګرهار، کندهار، هلمند، نیمروز او کابل ولایتونو ته داخل شوې دي.
راپور زیاتوي، چې په همدې ورځ ۶۹۴ کډوالې کورنۍ، چې ۴۳۱۰ تنه غړي لري، له سرحدي سیمو او کابل څخه بېلابېلو ولایتونو ته په خوندي ډول ولېږدول شوې دي. همداراز له ۵۳۱ کورنیو سره نغدي مرستې شوې، ۷۴۷ سیمکارتونه وېشل شوي او زرګونو راستنېدونکو ته روغتیايي، خوراکي، ترانسپورټي او عامه پوهاوي اړوند خدمات وړاندې شوي دي.
