جامعه “مظاهر العلوم” کابل کې ګڼ شمېر فاضلانو ته د فراغت پګړۍ وروتړل شوې
کابل ټکی کام (یکشنبه، ۷ مرغومي، ۱۴۰۴ل)
د تېرې پنجشنې په ورځ د روان ۱۴۰۴ ل کال د مرغومي په څلورمه نېټه “جامعه مظاهر العلوم” کابل کې د يوې شاندارې فراغت غونډې په ترڅ کې ګڼ شمېر فاضلانو ته د فضيلت پګړۍ وروتړل شوې.
دغه غونډه کې د هېواد غښتلي عالم او د افغاني سرې مياشتې رئیس شيخ القران والحديث شهاب الدين دلاور په ګډون د افغانستان په سطحه مشهورو مشائخو، علماء کرامو او د افغانستان د اسلامي امارت ګڼ شمېر مشرانو ګډون او ویناوې وکړې.
