کابل ټکی کام (پنجشنبه، ۱۱ مرغومي، ۱۴۰۴ل)
د امریکا ولسمشر ډونالډ ټرمپ ویلي، چې د سعودي عربستان مشرتابه غواړي له اسرائیلو سره خپلې اړیکې نږدې او رسمي کړي.
نوموړي څرګنده کړې، چې د سعودي چارواکو له ده سره په لیدنو کې اعتراف کړی، چې د اسرائیلي حکومت سره د رسمي اړیکو ټینګښت ته لیوال دي او دغه موضوع ته په مثبته سترګه ګوري.
ټرمپ زیاته کړې، چې د ریاض او تلابیب تر منځ د اړېکو عاديکولو هڅې له څو کلونو راهیسې روانې دي او تمه ده چې دا بهیر به نهايي پایلو ته ورسېږي.
هغه د خپلې لومړۍ ولسمشرۍ د دورې یادونه هم کړې، چې پکې یې د ابراهیمي تړون تر چتر لاندې د یو شمېر عربي هېوادونو او اسرائیلو تر منځ د اړېکو عاديکولو ته زمینه برابره کړه.
