بغلان کې د ۲۰۵ میلیونو افغانیو په لګښت ۸ سترې زیربنایي پروژې پلې کېږي
کابل ټکی کام (پنجشنبه، ۱۸ مرغومی، ۱۴۰۴ل)
د بغلان مرکزي ولسوالۍ مسوولين وایي، چې په دغه سیمه کې د څه باندې ۲۰۵ میلیونو افغانیو په لګښت اته سترې زیربنایي پروژې پلې کېږي. د پروژو په منځ کې د ۱۳.۵ کیلومتره فرعي سړکونو کانکریټ کول او د درېیو سوداګریزو مارکیټونو جوړول شامل دي.
د ولسوالۍ مسؤلین زیاتوي، چې د یادو پروژو موخه د سیمهییزو خلکو لپاره د تګ راتګ آسانتیا، سوداګریز فعالیتونه او د اقتصادي ودې چټکول دي. دغه پروژې به په مرحلهییز ډول بشپړې شي او د سیمهییزو خلکو ژوند به اسانه کړي.
د بغلان د مرکزي ولسوالۍ چارواکي وایي، د پروژو د پلې کېدو څارنه به په دوامداره توګه ترسره کېږي ترڅو چې کیفیت او وخت ته ځانګړې پاملرنه وشي او ټولې پروژې په ټاکلي مهال بشپړې شي.
