پېښو سره د مبارزې ادارې او يوې مؤسسې ترمنځ د ۱۰۴ زره ډالرو د مرستې تړون لاسلیک شو
کابل ټکی کام (دوشنبه، ۲۲ مرغومی، ۱۴۰۴ل)
له پېښو سره د مبارزې آمادګۍ ملي ادارې او د NOVE ONLUS مؤسسې ترمنځ د یادې ادارې د رئیس ملا نورالدین ترابي، او د NOVE ONLUS د مرستیال، فیضان احمد کاکړ، ترمنځ په کابل کې د ګډو همکاریو تفاهمنامه لاسلیک شوه.
ښاغلي ترابي د پروژو پر چټک، شفاف او اغېزمن تطبیق ټینګار کړی او ويلي دي چې د ژمي له رارسېدو سره باید د مرستو کچه لوړه شي، څو مستحق کسان لا ډېره ګټه واخلي.
د دواړو لوریو ترمنځ دا تفاهمنامه د ۱۰۴,۸۰۸ ډالرو په ارزښت لاسلیک شوې، چې له مخې به یې NOVE ONLUS د کابل د ۱۶مې ناحیې ۶۴ بېسرپرستو کورنیو ته د یو کال لپاره هره میاشت ۱۰۰ ډالر نغدي مرسته ورکوي.
همدارنګه، هغو کورنیو ته به چې له جدي ستونزو او یا روغتیايي اړتیاوو سره مخ وي، اضافي مرستې هم ووېشل شي.
