کابل ټکی کام (شنبه، ۴ سلواغه، ۱۴۰۴ل)
د مهاجرینو ستونزو ته د رسېدنې عالي کمېسیون دارالانشاء وایي، چې د جمعې په ورځ د هېواد له بېلابېلو سرحدي لارو ۴۴۹ کډوالې کورنۍ، چې ۲۵۱۵ تنه غړي لري، په اجباري ډول افغانستان ته راستنې شوې او د اړوندو کمېټو له لوري ثبت او بایومېټریک شوې دي.
د راپور له مخې، د ننګرهار د تورخم له لارې ۲۰۸۹ تنه، د هلمند د بهرامچې له لارې ۵۷ تنه، د کندهار د سپین بولدک له لارې ۲۴۰ تنه، د نیمروز د ورېښمو له لارې ۸۹ تنه او د هرات د اسلامکلا له لارې ۴۰ تنه هېواد ته داخل شوي دي.
راپور زیاتوي، چې د جمعې په ورځ ۶۴۶ کورنیو ته نغدي مرستې ورکړل شوې، ۴۴۶ وړیا سیمکارتونه وېشل شوي، او ۵۹۴ کورنۍ، چې ۳۳۸۲ تنه یې غړي ول، د ترانسپورټ او لېږد کمېټو له خوا د هېواد بېلابېلو ولایتونو ته په خوندي ډول لېږدول شوې دي.
همداراز، راستنې شویو مهاجرینو ته روغتیايي، مخابراتي، غذايي او نورو اساسي خدماتو برابرول هم په پام کې ونیول شول.
