کابل ټکی کام (يکشنبه، ۵ سلواغه، ۱۴۰۴ل)
د پېښو پر وړاندې د مبارزې ملي اداره وايي، په راتلونکې اوونۍ کې به په ځینو شمالي او مرکزي ولایتونو کې د وچکالۍ او کمښت ستونزې دوام ولري. په ځانګړې توګه بدخشان کې وضعیت نسبي عادي دی، خو کندز، سمنګان، بلخ، فاریاب، جوزجان، سرپل او بادغیس د اوبو کمښت سره مخ دي.
يادې ادارې ويلي، چې په مرکزي او ختیځو ولایتونو کې د ۲۵ تر ۷۵ میلیمترو پورې باران او واورې احتمال شته، ځینې ختیځې سیمې به د درنې واورې لاندې راشي.
د تودوخې وړاندوینه ښيي چې شپه تودوخه به د معمول په پرتله ټيټه وي او ورځنۍ تودوخه هم ټيټه پاتې شي، له همدې امله خلکو، په ځانګړې توګه ماشومانو او زړو کسانو ته سپارښتنه شوې چې د یخنۍ له زیانونو د مخنیوي لپاره احتیاطي تدابیر ونیسي.
