د مهاجرینو کمېسیون: تېره ورځ د بېلابېلو لارو ۳۸۸ کورنۍ هېواد ته راستنې او مرستې ورسره وشوې
کابل ټکی کام (يکشنبه، ۵ سلواغه، ۱۴۰۴ل)
د مهاجرینو ستونزو ته د رسېدنې عالي کمېسیون دارالانشاء وايي، چې د شنبې په ورځ د هېواد له بېلابېلو سرحدي لارو ۳۸۸ کډوالې کورنۍ، چې ۱۶۰۱ تنه غړي لري، په اجباري ډول افغانستان ته راستنې شوې او د اړوندو کمېټو له لوري ثبت او بایومېټریک شوې دي.
د راپور له مخې، د ننګرهار د تورخم له لارې ۱۴۷۶ تنه، د هلمند د بهرامچې له لارې ۴۶ تنه، د کندهار د سپین بولدک له لارې ۵۹ تنه، د نیمروز د ورېښمو له لارې ۱۱ تنه او د هرات د اسلامکلا له لارې ۹ تنه هېواد ته داخل شوي دي.
راپور زیاتوي، چې د شنبې په ورځ ۴۸۴ کورنیو ته نغدي مرستې ورکړل شوې، ۴۶۸ وړیا سیمکارتونه وېشل شوي، او ۴۸۰ کورنۍ، چې ۲۶۹۶ تنه یې غړي ول، د ترانسپورټ او لېږد کمېټو له خوا د هېواد بېلابېلو ولایتونو ته په خوندي ډول لېږدول شوې دي.
همدارنګه، راستنې شویو مهاجرینو ته روغتیايي، مخابراتي، غذايي او نورو اړینو خدماتو برابرول هم په پام کې ونیول شول.
