سنټکام: ایران باید د اسلامي انقلابي ځواک سمندري تمرینونه خوندي او مسلکي ترسره کړي
کابل ټکی کام (شنبه، ۱۱ سلواغه، ۱۴۰۴ل)
د امریکا مرکزي قوماندانۍ (سنټکام) د ایران د اسلامي انقلابي ځواک د تازه سمندري تمرینونو په اړه خبرداری ورکړی چې دا تمرینونه باید په خوندي او مسلکي ډول ترسره شي او د نړیوالو سمندري لارو او تجارتي بېړیو لپاره خطر رامنځته نکړي.
ایراني چارواکو ويلي، دغه تمرینونه به د هرمز په تنګي کې د جګړې شرایطو ته ورته عملیات ترسره کړي او دوه ورځې به دوام لري.
سنتکام ټینګار کړی چې هر ډول غیر مسلکي یا خطرناک چلند د امریکا او سیمهییزو شریکانو د بېړیو، الوتکو او نظامي ځواکونو لپاره د تصادم، تاوتریخوالي او بېثباتۍ لامل ګرځيدلای شي.
راپور کې د ويل شوي، چې امریکا د خپلو ځواکونو او وسایطو خونديتوب تضمینوي او د هر ډول غیر مسلکي اقدام پر وړاندې به بېپروا پاتې نه شي.
په پای کې سنتکام ویلي چې د امریکا پوځ په نړۍ کې تر ټولو فني او قوي ځواکونو څخه دی او د نړیوالو معیارونو سره سم به خپلو عملیاتو ته دوام ورکړي، او له ایران غوښتنه شوې چې خپل سمندري تمرینونه هم په مسلکي او خوندي ډول ترسره کړي.
