کابل ټکی کام (شنبه، ۱۱ سلواغه، ۱۴۰۴ل)
پاکستانۍ سیاستوالې او د پاکستان د ستر سیاسي ګوند تحریک انصاف پارلمانې غړې میرمن “شاندانه ګلزار” ویلي، چې د پاکستان پوځ او جنرالان هڅه کوي امریکا ته د افغانستان د بګرام هوايي اډې پر ځای د خیبر پښتونخوا په تېرا سیمه کې یو پوځي هوايي ډګر برابر کړي.
نوموړې زیاته کړې، چې پاکستان له بېلابېلو لارو کوښښ کوي څو امریکا ته په سیمه کې یو امنیتي مرکز یا پوځي اډه ورکړي.
د اغلې ګلذار په وینا، دا هڅې لا هم روانې دي او په دې تړاو ځینو امریکایي چارواکو څو ځله له پاکستاني چارواکو سره لیدنې کتې کړې دي.
شاندانه ګلزار ټینګار کړی، چې دا ډول اقدامات به د سیمې امنیت نور هم له ګواښ سره مخ کړي او د پاکستان او افغانستان ولسونو ته به نوې ستونزې راولاړې کړي.
