کابل ټکی کام (دوشنبه، ۲۷ سلواغه، ۱۴۰۴ل)
د عباس عراقچي په مشرۍ ایراني پلاوی له متحده ایالات سره د اټومي خبرو دویم پړاو کې د ګډون لپاره جېنوا ته رسېدلی او د ایراني رسنیو په وينا نوموړی د خبرو د دوام او ځینو ډیپلوماتیکو سلامشورو لپاره دغه ښار ته سفر کړی دی.
بلخوا رویټرز راپور ورکړی چې د امریکايي پلاوي په ترکیب کې سټیو وېټکاف او جرډ کوشنر هم شامل دي او ټاکل شوې له ایراني چارواکو سره وګوري.
په ورته وخت کې د ایران د ملي امنیت عالي شورا منشي علي لاریجاني ویلي، تر اوسه یې د امریکا له لوري رسمي ځواب نه دی ترلاسه کړی او د خبرو جزییات څاري.
لاریجاني ټینګار کړی چې د توغندیو موضوع د ایران د ملي امنیت برخه ده او په مذاکراتو کې به پرې بحث ونه شي.
