ولسمشر ټرمپ: غوره ده چې ایران کې نظام بدل شي
کابل ټکی کام (دوشنبه، ۲۷ سلواغه، ۱۴۰۴ل)
د امریکا ولسمشر ټرمپ ویلي، غوره لاره دا ده چې په ایران کې نظام بدلون ومومي. هغه ادعا کړې چې له لسیزو راهیسې د ایران له اوسني واکمن نظام سره شخړې روانې دي، چې په وینا یې د ډېرو مرګژوبلو سبب شوې؛ خو تر اوسه یې څرګنده پایله نه ده ورکړې.
هغه زیاته کړې چې د یادې لانجې د پای ته رسولو لپاره اړینه ده چې په ایران کې سیاسي بدلون رامنځته شي، څو د سیمې شخړې پای ومومي او وضعیت بدل شي.
ټرمپ دا څرګندونې په داسې حال کې کړي، چې د سیمې د امنیت او سیاسي راتلونکې په اړه بحثونه لا هم دوام لري.
