کابل ټکی کام (سه شنبه، ۲۸ سلواغه، ۱۴۰۴ل)
د اماراتو د ولسمشر محمد بن زايد آل نهيان د مړینې او روغتیايي وضعیت په اړه ځينو ترکي او د سعودي عربستان رسنيو راپورونه خپاره کړي.
دا اوازې وروسته له هغې خپړې شوې چې یوې ترکي رسنۍ د هغه د ناروغۍ راپور خپور چې ويلي و چې د زړه سکته يې کړې، خو بیا یې ژر لرې کړ.
امریکايي سناتورې جوني ارنست ویلي چې د اماراتو ولسمشر ژوندی دی او د هغه په اړه خپرېدونکي خبرونه ناسم او د ګډوډۍ د رامنځته کولو هڅه ده او ځينو اماراتي حکومتي سرچینو هم د هغه مړینه رد کړې ده.
په سیمه کې سیاسي شنونکي وايي چې د دې اوازو خپرېدل د سیمهییزو سیالیو او سیاسي فشارونو له زیاتېدو سره تړاو لري.
راپورونه ښيي چې د متحده عربي اماراتو اړیکې له ځینو سیمهییزو لوبغاړو، په ځانګړي ډول له سعودي عربستان سره، له تاوتریخوالي او رسنیزو ناندریو سره مخ دي.
په همدې حال کې، امریکايي سناتور لینډسي ګراهام سیمې ته د سفر پر مهال د ابوظبۍ له مشرتابه سره د ستراتیژیکو اړیکو پر دوام ټینګار کړی دی.
څارونکي وايي، که څه هم د اماراتو د ولسمشر د روغتیا په اړه کره معلومات نه دي خپاره شوي، خو روان ابهام د منځني ختیځ له روانو سیاسي بدلونونو سره تړلی بلل کېږي.
