کابل ټکی کام (شنبه، ۹ کب، ۱۴۰۴ل)
د اسلامي امارت د ویاند مرستیال “حمدالله فطرت” وایي، چې د پاکستان فوځي رژیم یو ځل بیا د افغانستان په ختیځو ولایتونو خوست او پکتیکا کې د ولسي وګړو کورونه په قصدي ډول په نښه کړي دي.
د نوموړي په وینا، په دغو بریدونو کې ۱۹ تنه ملکي وګړي په شهادت رسېدلي او ۲۶ نور ټپیان شوي دي.
هغه زیاته کړې چې په شهیدانو او ټپیانو کې اکثریت یې ماشومان او ښځې دي، چې دا چاره د نړیوالو اصولو او بشري حقونو ښکاره نقض بلل کېږي.
حمدالله فطرت دغه بریدونه په کلکو ټکو غندلي او ویلي یې دي چې د ملکي وګړو په نښه کول به بې ځوابه پاتې نه شي.
نوموړي ټینګار کړی چې د هېواد د حاکمیت او ولسي وګړو د خوندیتوب لپاره به لازم اقدامات ترسره شي.
تر دې دمه د پاکستاني لوري له خوا په دې اړه رسمي څرګندونې نه دي شوي.
