کابل ټکی کام( شنبه، ۹ کب، ۱۴۰۴ل)
راپورونه وایي چې ایراني ځواکونو پر اسرائیلو پراخ او ځپونکي عملیات پیل کړي دي.
د صهیونیستي رژیم په پلازمېنه تل ابیب، حیفا او ګڼ شمېر نورو ښارونو کې د درنو چاودنو غږونه اورېدل شوي دي.
د لومړنیو معلوماتو له مخې، په دغو بریدونو کې توغندي او بېپیلوټه الوتکې کارول شوې دي. عیني شاهدان وایي چې د چاودنو له امله په یو شمېر سیمو کې اور لګيدنې رامنځته شوي او د بېړنیو مرستو ټیمونه سیمو ته رسېدلي دي.
تر دې دمه د احتمالي مرګژوبلې په اړه کره معلومات نه دي خپاره شوي، خو سیمه کې د خطر زنګونه وهل شوي او خلکو ته خوندي ځایونو ته د تلو سپارښتنه شوې ده.
د اسرائیلو چارواکو لا تر اوسه د بریدونو د جزئیاتو په اړه بشپړ معلومات نه دي ورکړي، خو ویلي یې دي چې د دفاعي سیسټمونه یې فعال شوي او وضعیت تر کنټرول لاندې دی.
دا پېښه داسې مهال رامنځته کېږي چې څو ګړۍ وړاندې امریکا او صهیونیستي ریژیم ایران کې ځینې اهداف په نښه کړل.
