کابل ټکی کام (شنبه، ۹ کب، ۱۴۰۴ل)
راپورونه وایي چې په منځني ختیځ کې له یمن او عراق څخه د امریکا پر پوځي اډو توغندیز بریدونه پیل شوي دي.
د معلوماتو له مخې، له یمن څخه بریدونه د یمن د وسلهوالو ځواکونو له لوري ترسره شوي او د دغو عملیاتو مسؤلیت د یمن د پوځ ویاند یحیی سریع منلی دی.
نوموړي ویلي، چې دغه بریدونه د امریکا او اسرائیلو د اقداماتو په غبرګون کې شوي او ګواښ یې کړی چې دا جګړه به د امریکا او اسرائیلو ملا ور ماته کړي.
یحیی سریع چې د یمني پوځ د ویاند په توګه څرګندونې کوي، ټینګار کړی چې عملیات به تر هغو دوام ولري څو د دوی په وینا «یرغلګر ځواکونه» له سیمې په بشپړه توګه وتلې نه وي.
په ورته مهال، د عراق د اسلامي مقاومت سازمان اړوند حشدالشعبي ځواکونو ادعا کړې، چې په سوریه کې یې د امریکا پر هوایي اډو توغندیز بریدونه کړي دي.
د دغو بریدونو د احتمالي مرګژوبلې او زیانونو په اړه تر دې دمه کره معلومات نه دي خپاره شوي.
امریکایي چارواکو لا تر اوسه د یادو ادعاوو په اړه رسمي او تفصیلي غبرګون نه دی ښودلی، خو په سیمه کې د امنیتي وضعیت د لا ترینګلتیا اندېښنې زیاتې شوې دي.
