پر اسرائیلو د ایران برید: تل أبیب کې د خطر زنګونه؛ حیفا کې درنې چاودنې شوي
کابل ټکی کام (شنبه، ۹ کب، ۱۴۰۴ل)
د صهیونیستي ریژیم په پلازمېنه تل ابیب کې په پر لپسې توګه د خطر زنګونه اورېدل کېږي او دغه راز حیفا بندري ښار کې د درنو چاودنو خبر ورکړل شوی دی.
راپورونه وایي، چې د صهیونیستي رژیم د پلازمېنې تل ابیب او شاوخو سیمو کې د خطر زنګونه (سایرنونه) پرلهپسې اورېدل کېږي، دا له هغه وروسته چې د ایران اسلامي جمهوریت له لوري د توغندیو دریمه څپه اسرائیلو ته په ننوتلو ده.
د لومړنیو معلوماتو له مخې، د احتمالي توغندیز یا هوايي ګواښ له امله د خبرداري سیستمونه فعال شوي او له خلکو غوښتنه شوې چې ژر تر ژره خوندي پناه ځایونو ته ولاړ شي. عیني شاهدان وایي چې په حیفا بندري ښار کې د درنو چاودنو غږونه هم اورېدل شوي؛ خو تر اوسه یې د کره سرچینو له خوا تایید نه دی شوی.
د بېړنیو مرستو او ژغورنې ټیمونه چمتو حالت کې دي او امنیتي ځواکونه د وضعیت څارنه کوي.
د مرګژوبلې او اوښتو زیانونو په اړه رسمي شمېرې لا نه دي خپرې شوې.
