کابل ټکی کام (یکشنبه، ۱۰ کب، ۱۴۰۴ل)
پر اسرائیلو د ایران اسلامي جمهوریت د وسله والو ځواکونو د بریدونو په دوام د اشغالي فلسطین په ستر تجارتي بندري ښار حیفا کې د درنو چاودنو غږونه اورېدل شوي دي.
د لومړنیو معلوماتو له مخې، چاودنو په ښار کې پراخ مالي زیانونه اړولي، ګڼې ودانۍ او زیربناوې زیانمنې شوې دي.
عیني شاهدان وایي چې د اور وژنې او بیړنیو مرستو ټیمونه د پېښې سیمو ته رسېدلي او د زیانمنو خلکو د خوندي کولو هڅې کوي.
تر اوسه د مرګژوبلې کره شمېرې نه دي خپرې شوي، او وضعیت لا هم د کړکیچن ده، اسراییلي چارواکو د پلازمېنې تل أبیب په ګډون د اشغالي فلسطین په ټولو سیمو کې د هوايي دفاع سیستمونه فعال کړي؛ خو داسې ښکاري، چې حالت یې له کنټرول وتلی ده.
دا په داسې حال کې ده، چې د ایران اسلامي جمهوریت د وسلوالو ځواکونو ویاند په صهیونیستي مېشتو سیمو د (وعده صادق) عملیاتو د څلورمې څپې د پیل خبر ورکړی دی.
د ویلو ده، چې ایراني ځواکونو په تېرو ۶ ساعتونو کې د منځني ختیځ په ګڼو هېوادونو کې ۱۸ امریکایي پوځي اډې هدف وګرځولې او د ۲۰۰ تنو امریکایي پوځیانو د وژل کېدو ادعا یې وکړه او دغه راز یې په اسرائیلو هم لسګونه بالستیک توغندي وویشتل، چې لا هم دا لړۍ دوام لري.
