کابل ټکی کام (یکشنبه، ۱۰ کب، ۱۴۰۴ل)
د افغانستان د ملي دفاع وزارت وایي، لیزري ځواکونو یې تېره شپه په ننګرهار، خوست او پکتیا ولایتونو کې د پاکستاني رژیم پر پوځيانو مرګوني بریدونه کړي دي.
د وزارت په وینا، د «ردالظلم» په نوم دغه تعارضي عملیات د ۲۰۳ منصوري، ۲۰۱ خالد بن ولید او ۲۰۵ البدر قول اردوګانو له لوري د لیزري ځواک په مټ ترسره شوي دي.
د خبرپاڼې له مخې، په دغو عملیاتو کې یو ټاور او څلور لویې پوستې نیول شوې او د ماینونو په وسیله الوځول شوې دي.
وزارت ادعا کړې، چې په دې بریدونو کې ۳۲ تنه پاکستاني عسکر وژل شوي او لسګونه نور ټپیان شوي دي.
دفاع وزارت همداراز ویلي، دوه بېپیلوټه الوتکې یې هم رانسکورې کړي او یو شمېر پوځي تجهیزات په بشپړ ډول تخریب او له منځه تللي دي.
تر اوسه د پاکستاني لوري له خوا د دغو ادعاوو په اړه رسمي غبرګون نه دی خپور شوی.
