کابل ټکی کام (دوشنبه، ۱۱ کب، ۱۴۰۴ل)
راپورونه وایي، چې د ایران جنګي الوتکو په عراق کې امریکایي اهداف په نښه کړي دي.
د لومړنیو معلوماتو له مخې، بریدونه د څو پړاوونو په ترڅ کې ترسره شوي او ځینې اهداف د امریکا پوځي تاسیسات بلل شوي دي.
تر اوسه د مرګژوبلې او اوښتو زیانونو په اړه رسمي شمېرې نه دي خپرې شوې.
امریکايي چارواکو په دې اړه رسمي غبرګون نه دی ښودلی، خو امنیتي سرچینې وایي چې وضعیت له نږدې څارل کېږي او ښايي نور جزییات هم خپاره شي.
















