عبدالملک حوثي: د ایران پر وړاندې جګړه د اسلام- کفر ترمنځ جګړه ده اُمت دې بې تفاوته نه پاتې کېږي

کابل ټکی کام (جمعه، ۱۵ کب، ۱۴۰۴ل)

د یمن د انصارالله اسلامي غورځنګ مشر “سید بدرالدین عبدالملک حوثي” ویلي، چې فلسطین د اسلامي امت د ساتنې لومړۍ کرښه ده او ټول امت باید د غزې ترڅنګ داسې ودرېږي لکه څنګه چې امریکا د صهیونیستي رژیم ملاتړ کوي.

نوموړي په خپلو تازه څرګندونو کې ټینګار کړی، چې د ایران پر وړاندې روانه جګړه یوازې یو سیاسي شخړه نه ده، بلکې د اسلام او کفر، د حق او باطل، د مسلمانانو او کافرانو او همدارنګه د متجاوزینو او مظلومانو ترمنځ جګړه ده.

حوثي زیاته کړې، چې د یمن ولس او د دغه هېواد وسله وال ځواکونه به تر وروستي شیبو د فلسطیني او ایراني ولسونو تر څنګ ولاړ وي او د هغوی ملاتړ ته به دوام ورکوي.

هغه امریکا او صهیونیستي رژیم ته خبرداری ورکړی، چې پر ایران
برید به امریکا اوصهیونیستي ریژیم ته جدي او ناوړه پایلې ولري.