کابل ټکی کام (دوشنبه، ۱۸ کب، ۱۴۰۴ل)
د راپورونو له مخې، ایران یو ځل بیا په سیمه کې پر امریکایي پوځي اډو بریدونه کړي، چې له امله یې په کوېټ کې درې او په بحرین کې پنځه امریکایي پوځیان وژل شوي دي.
د سپاه پاسداران انقلاب اسلامي په یوه بیان کې ویل شوي، چې د ایران د ولسمشر “مسعود پزشکیان” له امر وروسته یې سیمه کې پر امریکایي اهدافو بریدونه درولي وو؛ خو د دوی په وینا له همدې اډو پرې بیا بریدونه شوي، چې له امله یې غبرګون ښودلو ته اړ شوي دي.
سپاه پاسداران زیاتوي چې د وروستیو بریدونو هدف هغه امریکایي پوځي تاسیسات وو چې د دوی په وینا د ایران پر وړاندې په پوځي فعالیتونو کې کارېږي.
تر اوسه د پېښې په اړه د متحده ایالاتو له لوري رسمي غبرګون نه دی خپور شوی.
راپورونه وایي چې د بریدونو له امله په یادو اډو کې د زیان او تلفاتو کچه لوړه ده، خو د دقیقو جزئیاتو په اړه نور معلومات نه دي ورکړل شوي.
