کابل ټکی کام (سه شنبه، ۲۶ کب، ۱۴۰۴ل)
د امریکا «نیویارک ټایمز» ورځپاڼې په یوه تحلیلي راپور کې ویلي، چې د ایران د امنیتي چارو مهم چارواکی علي لاریجاني د اسرائیل په هوايي برید کې وژل شوی او دا پېښه ښايي په دغه هېواد کې د پوځي بنسټونو د واک د پراختیا احتمال دی.
راپور زیاتوي، لاریجاني چې د ملي امنیت عالي شورا مشر و، د جګړې له پیل وروسته د حکومت او پوځ تر منځ مهمه حلقه ګڼل کېده او د هېواد د چارو عملي مشري یې پر غاړه لرله.
د راپور له مخې، لاریجاني د سختدریځو او نسبتاً معتدلو سیاسي څېرو تر منځ د اړیکو په جوړولو کې مهم رول درلود، خو د هغه له وژل کېدو سره ښايي دا توازن له منځه ولاړ شي.
د امنیتي چارو یو کارپوه ویلي، دا وضعیت د نظام لا زیات عسکري کېدو ته لاره هواروي او د جګړې د پای ته رسولو لپاره د سیاسي انعطاف امکان کموي، ځکه چې د ده په وینا، له هرې لوړې کچې څېرې له منځه تلو سره، راتلونکی قشر لا سختدریځه کېږي.
